VOBOLŪM ŠVĖNTĖ – ŽLĖBĖNŪS 2024-09-20
Rašiem, tik pradiejusės keptė, vobolėnius blynus. No i kepiem anus, ligu kol sutema. Vobolūm švėntė Žlėbėnūs vydyta pėrma syki, i žinuokit, kap pėrms blyns, gavuos poike, kap sakont, pralaužiem ledus i daba tėkūs, ka ta švėntė kikvėinas metas būs vis gausesnė i gausesnė. Dideliausis diekou vėsyms dalyvems, atvykusyms so poikes vobolėnes patiekalas, – švėžes i džiovyntas vobolates, vobolūm pyragas, sausaines su vobolas, vobolūm sultim i kompuotas, vobolėniem mišrainiem, kuošiem i pagardokas, nomėniu vobolūm vyneliu, petvas vobolas su varškė, vobolėnes sūres i saldaines, i kėtas vobolėnes skanumynas.
Didelis diekou atejusyms anūm kaštavuotė i pėrktė, bei visyms būrie pabūtė.
Dovanūm žemaūgės Ruojaus obelelės gava Žlėbėnūm seniūnėjės kolektyvs i Žlėbėnūm seniūnėjės sėnjuorės, už gausės i baise skanės vobolėnės vaišės.
Už pagalba švėntės metu, diekavuoju Ingele, Genovaite, Stasele už pagalba pri petelniū, Lauryna diekou, už įomžintas akimirkas foto aparatu, Žlibinų kultūras cėntra liaudiškas mozikas kapelas „RIVIENA” narems i anūm vaduovou Alfredou Lučinskou, diekou Mindaugou už linksma mozika i įgarsėnėma.
Pėrms vobolėnės švėntės blyns neprisvėla, tai darysem i kėtas metas.
