Superėnis 10 km žygis po Žlibinūm apylinkės, katram iš starta išejė 63 žmuonis i 6 šunele, vėliau prisijungė i da kelės neramės dūšelės.
Ejuom vėsi sau patenkyntė, vėins kėta pašnekyndami, susipažyndami. Aplonkiem laba gražė sodyba, katruo bėški pailsiejuom, atsigieriem šaltalonkiū arbatelės, nomėnės gėruos, užkonduom nomeniū lašiniūm, sūriū keliūm rūšiūm i nomėnės dounelės su raugyntas vogorklas. Skuonis – neišpasakuojams, – tisiuog lėižovi galieje prarytė. Vyra nusimaudė prūdė, no i išbraukiem toliau. Sakuom, ka gyvenam laba gera, kukurūzū gera užderiejė, gyvūliūm pėlnas ganyklas su didžiuliuom banduom, jaute per ontakius i mumis veiziejė, tai mums vėituom kažkap savaimė žingsne pagreitiejė.
Vo šep tai grįžuom vėsi puikiuom nuotaikuom i nibėški nepavargė.
Sustuojė Žlibinūm kultūras cėntra kėimelie žygeive, vėins kėtam diekavuojė, už gera kompanėjė, i pradiejė planoutė kėta žygi po Kontautiū apylinkės. Da vėsi papluojė mažiausem 8 m. Kajou už dalyvavėma i vyriausem 88 m. šauniam vyrokou.
Iš vėsuos dūšės diekou dėdeliausis žygė sumanytoje Inga Šakine, už poike parynkta trasa i nomėnius skaniestus Renatou Vėnckou i kėtyms prisidiejusyms, už šaltalonkiū arbata Rasele, gražiuosės sodybas šeimininkams Skima i Vaidou Vėnckams, no i vėsa ta šauniaje žygeiviū kompanėje už poiki laika pralesta sykiu bėndrystie.
Tikūs ka tuoki pat šauni i gausi kompanėjė susitėksem žygie po Kontautiūs.
