
Laba dėdžioujūs i džiaugūs, ka Žlėbėnūm kultūras cėntra aptarnaujamuo terituorėjuo gyven tokėi aktyvi i bėndruomeniški žmuonis, kap Alina i Saulius Vičiai, katrėi y tuos švėntės sumanytoje, i sykiu su sava vėsas šeimynykštes i gausiu būriu savanuoriu tus cepelinus padara, išverd, pakep i pavaišėn vėsus čia atvykusius



Kap aš sakau „Maža kaimelė, gerūm žmoniūn – dėdeli darba!!!” Septyntuojuo cepelinu švėntie neplanouta, bet tep gavuos, ka vėsi susirynkė surėtėnuom 700 su bėškeliu cepelinu. Vot pajiedontys esam
No bet i gera, maists žmuonis ne tik vienėj bėndryms darbams, bet i sutelk bėndrystie pabūtė, gera laika gamtuo pralestė, sene matytus sutėkus pašnekyntė i pasidžiaugtė vėins kėtu, no i aišku paplanoutė kėtas poikės užimtoma veiklas. Ta bėndrystė ne tik vienėj, bet i y gers pavyzdys, ka žemaite vėins kėtam nieka nepavyd i vėins kėtam kosniu neskaičioun, vo susitėkė vėins kėta apkabėn i pavaišėn.

Būkit vėsi suoti i laimyngi, brongėje. No i kėtas metas tou patiu čiesu, tuo patiuo vėituo viel suliekem vėsi i būry



Diekou Dangerute Pakalniškiene i Sauliou Narkou, už švėntės akimirku iomžėnėma i noutrauku perdavėma mums.









